1-2 jahkeceahkki

ÁNIN DÁNIN” ja ”TÁHPPÁN SIUN” leat 1. ja 2. jahkecehkiid oahpponeavvobuktagat, álgolohkan- ja čallinoahpahusa várás Máhttolokten 06s mielde.

ÁNIN DÁNIN”oahppobuktagis leat lohkangirji oahppiide, guokte bargogirjji ja oahpaheaddji neavagirji. Oahppobuvtta lea jurddašuvvon adnot vuosttažettiin 1. jahkeceahki oahppiide, geain lea sámegiella vuosttašgiellan.

Oahppobuktagiin deattuhuvvo syntehtalaš lohkanvuohki, go sámegielas leat valjit sihke surggiideapmi ja sojaheapmi.

Mu lohkangirji čuovvut oahppiguoktá Lásse ja Elle. Soai vázziba 1. jahkeceahkis ja leaba 6-jahkásaččat. Soai eaba leat čadnon dihto báikái dahje guvlui. Soai orruba dábálaš ođđaáigásaš birrasis, ja fitnaba ain duoppil dáppil bargame iešguđetlágán bargguid. Muitalusas ii leat progrešuvdna, vai oahpaheaddji sáhttá osiid atnit movt heivejit oahpahussii. Leat sihke iešguđet fáttáide teavsttat, ja teavsttat mat gullet bustávaide. Teavsttat leat golmma oasis, nu ahte sáhttá heivehit teavsttaid ohppiid lohkanmáhttui. Juohke fáttá maŋis leat juogo diida, sátnevájas dahje árvalus. Lohkangirjjis leat čállojuvvon sánit ja cealkagat sihke stuora ja unnabustávažiiguin. Stuorabustávat sánit leat vel juhkkojuvvon stávvaliidda, vai lea oahppái álkit lohkat olles sáni.

Bargogirjjiid sáhttá atnit buohtalagaid dahje maŋŋálagaid. Mu bargogirji oahppit ohppet bliántta hálddašit. Mu bustávvagirji galget oahppit hárjehallat bustávaid, čállit ja bargat jietnadagaiguin. Girjjis oahpahuvvojit bustávat dán ortnegis: Š Á M E Đ S U Ŋ Č O N Ŧ I Ž D A C F G Z H T L B J R V K P ea uo oa ie
Dát ortnet válljeuvvui go Sámedikki ja earáid Álgolohkanprošeavtta olis fuomášuvvui ahte oahppit rahčet erenoamážit sámegielbustávaid oahppat.
Earenoamáš sámegielbustávvan rehkenastojuvvojit Á, C, Č, Đ, Ŋ, Š, Ŧ, Z ja Ž. Dan dihte álggahedje SEAD ja Davvi-Norgga gealboguovddáš Vávváprošeavtta, mas dutke erenoamážit sámegielbustávaid sisafievrradeami álgooahpahusas ja movt dát váikkuha bustávvamáhttui. Prošeavttas gávnnahuvvui ahte mađi árabut oahppanproseassas álgá oahpahit earenoamáš sámegielbustávaid, dađi buorebut darvehit oahppit daid.

Loga eanet:

  • Myrvoll, M. (2005): Sámegiellaálgooahpahus.Evalueren. Sámediggi
  • Idivuoma, L. (2000): Lohkanm etod ihkk aoahpp iid egeain leasámegiellavuosttašgiellanskuvllas. Sámediggi / Sametinget
  • Mikalsen,A.D.B. (2003): IIIoassiárvvoštallan. Sámegiella álgooahpahus –Lohkan ipm árdusguovdd á- žis.Sámediggi / Sametinget.

978-82-7374-632-0978-82-7374-634-4978-82-7374-764-8978-82-7374-631-3

TÁHPPÁN SIUN” oahppobuktagis deattuhuvvojit ođđasat lohkandutkamat , nugo gielalaš diđolašvuođabargguid, interaktiiva lohkanvuogi, vai olaha eanaš oahppiid lohkanoahppama oktavuođas, lohkanhárjehallamiid, main lea geardduheapmi guovddážis, oahppanstrategiijaid, mat leat dehálaččat, vai oahppit áddejit teavsttaid sisdoalu, ja doabaovddidanbargguid, go doahpagat leat vuođđun dasa, ahte ovddidit oahppiid oahppama.

Oahpponeavvuobuktaga sáhttá geavahit beroškeahttá ”ÁNIN TÁNIN” oahpponeavvobuktagis, mii 1. jahkeceahkkái lea buvttaduvvon. Oahpponeavvobuktaga sáhttá maid geavahit sierralašoahpahusa oktavuođas ja sámegiella nubbingiellan oahpahusas.

Oahppobuktagis leat guokte lohkangirjji bargogirjjiiguin, Mun čálán eanet-bargogirji ja oahpaheaddjibagadus kopioriginálaiguin eGirjin. A-lohkangirjjis lea bustávvaoahpahahus joatkka ja álkkes lohkanteavsttažat. Á-lohkangirjjis gis leat lohkanteavsttat lohkanstrategiijá ovddideapmái. Oahpaheaddjibagadus lea guovtti oasis; vuosttaš oasis lea álggahus giellaoahpaheapmái, teoriijá oassi, ja nuppi oasis gis leat rávvagat mo iešguđetgirjjiin bargat oktan kopioriginálaiguin.

978-82-7374-813-3978-82-7374-703-7978-82-7374-702-0978-82-7374-704-4978-82-7374-705-1978-82-7374-706-8 01

Ánin Dánin Táhppán Siun lohkangirjjážat leat lohkamušat heivehuvvon iešguđet dásiide. Leat 15 girjjáža toasas, 2.-3.dásis. Girjjážiid maŋŋeperbmii leat dásit merkejuvvon. Girjjážiin leat iešguđetlágán lohkamušat, sihke čáppagirjjálašvuohta ja áššeprosa.

978-82-7374-761-7